Meaning of

vaqt pe kaam ab koi aata nahin
saath gardish men apna nibhaata nahin

haath yoon to milaate hai akshar yahaañ
dil se dil aaj koi milaata nahin

aur kya chahti hai gardish-e-ayyaam ki ham
apna ghar bhool ga.e un ki gali bhool ga.e

ruke ruke se qadam ruk ke baar baar chale
qaraar de ke tire dar se be-qaraar chale

gardish-e-maah-o-saal se aage nikal gaya hooñ main
jaise badal ga.e ho tum jaise badal gaya hooñ main

ham to sunte the ki mil jaate hain bichhde hue log
tu jo bichhda hai to kya vaqt ne gardish nahin ki

vaqt ki thii kamii gardishon ke the din
vaqt dena pada har kisi ke li.e

vaqt ki gardishon ka gham na karo
hausale mushkilon men palte hain

ye sochkar ki teri jabeen par na bal pade
bas door hi se dekh liya aur chal pade

dil men phir ik kasak sii uthi muddaton ke baad
ik umr ke ruke hue aañsu nikal pade

har museebat ka diya ek tabassum se javaab
is tarah gardish-e-dauraan ko rulaaya maine

chaand se hi be-vafaaii ka chalan aaya hai
raushni suraj se aur phir gardishein dharti ki

vaqt pe kaam ab koi aata nahin
saath gardish men apna nibhaata nahin

haath yoon to milaate hai akshar yahaañ
dil se dil aaj koi milaata nahin

aur kya chahti hai gardish-e-ayyaam ki ham
apna ghar bhool ga.e un ki gali bhool ga.e