Meaning of

na hindu hooñ main nain musalmaan hooñ main
darindon kii duniya men insaan hooñ main

ada kar mujhe tu ibadat ke jaise
meri jaañ tere dil ka armaan hooñ main

sab parindon se pyaar loonga main
ped ka roop dhaar loonga main

tu nishaane pe aa bhi jaa.e agar
kaun sa teer maar loonga main

pyaar ka pehla khat likhne men vaqt to lagta hai
naye parindon ko udne men vaqt to lagta hai

udne do parindon ko abhii shokh hawa men
phir laut ke bachpan ke zamaane nahin aate

daanishmandon rastaa batla sakte ho
deewaana hooñ veeraane tak jaana hai

jannat waale thoda pahle utarenge
rindo ko to maykhaane tak jaana hai

yuñ dekhiye to aandhi men bas ik shajar gaya
lekin na jaane kitne parindon ka ghar gaya

jaise galat pate pe chala aa.e koi shaKHs
sukh aise mere dar pe ruka aur guzar gaya

hamaara ishq ibadat ka agla darja hai
KHuda ne chhod diya to tumhaara naam liya

ghamon se bair tha so hamne khudkushi kar li
shajar ne gir ke parindon se inteqaam liya

yaar ik baar parindon ko hukoomat de do
ye kisi shahar ko maqtal nahin hone denge

ye jo chehre hain yahaañ chaand se chehre taabish
ye mira ishq mukammal nahin hone denge

tum parindon se ziyaada to nahin ho azaad
shaam hone ko hai ab ghar ki taraf laut chalo

jaane kya soch ke phir in ko rihaai de dii
ham ne ab ke bhi parindon ko tah-e-daam kiya

na hindu hooñ main nain musalmaan hooñ main
darindon kii duniya men insaan hooñ main

ada kar mujhe tu ibadat ke jaise
meri jaañ tere dil ka armaan hooñ main

sab parindon se pyaar loonga main
ped ka roop dhaar loonga main

tu nishaane pe aa bhi jaa.e agar
kaun sa teer maar loonga main