Meaning of

KHamoshii lafz par bhari naya tarz-e-bayaan apna
paraaye mulk men ab dhoondhta hooñ ham zabaan apna

teri ranjish khulii tarj e bayaan sena thii dil men to kyun nikli zabaan se

ik tarz-e-taghaaful hai so vo un ko mubarak
ik arz-e-tamanna hai so ham karte rahenge

apne qaateel ki zehaanat se pareshaan hooñ main
roz ik maut naye tarz ki ijaad kare

kahaan se chala tha nigaahon men kya tha kahaan ja raha tha mujhe sochne do
meraa saaz kya tha meri tarz kya thii main kya ga raha tha mujhe sochne do

phir vahii hogii muhabbat aur vahii tarz-e-khulus
apne zehnon se tasavvur ko juda to keejie

ghair-waajib hai ki ghairon kii zabaan hai urdu
hind ke tarz-o-tamaddun ka nishaan hai urdu

jis ko KHud apni hi aulaad ne paagal hai kiya
ranj men doobi hui aisi hi maa hai urdu

maykashi ka mile lutf mujh...ko zaraa
meri aankhoñ se aañkhen mila ham-nava

maine dekha nahin hai mukammal tujhe
apne rukh se tu parda hata ham-nava

kya ho gaya hai dil ko jo yuñ cheekhta hai ye
aawaaz roz roz kise de raha hai ye

duniya sharaab zehar ise naam kuchh bhi de
par ham to jaante hain ghamon kii davaa hai ye

jaañ ko meri qaraar bhi juz ranj-o-gham kahaan
ab koii mas'ala na raha mas'ala hai ye

ham se nigaah fer ke jaana huzoor ka
phir shartiya naya koii tarz-e-jafa hai ye

bhaaga kare udhar ki jidhar raasta nahin
dil ko kahein bhi kya ki kahaan maanta hai ye

ab aur chhediye na mere dil ko dekhiye
pahle hi zaar zaar lahu ro chuka hai ye

ik baar muntazir jo lagaaya zabaan se
phir umr bhar na jaayega kaisa nasha hai ye

mujh...ko ye nazar aaya ke vo ek bala hai
kuchh khwaab hai kuchh asl hai kuchh tarj ae ada hai

vo ghair ki aagosh men rahne laga shaadan
us..ko nahin maaloom ke dil meraa jala hai

KHamoshii lafz par bhari naya tarz-e-bayaan apna
paraaye mulk men ab dhoondhta hooñ ham zabaan apna

teri ranjish khulii tarj e bayaan sena thii dil men to kyun nikli zabaan se